Simula sa November 15 ay tanging mga bakunado lamang na indibidwal ang papayagan ng lokal na pamahalaan na mag-transak sa kanilang munisipyo.
Ito ay base na rin sa executive order (EO) na inilabas ni Mayor Ronnie Samson noong ika-2 ng Nobyembre, alinsunod rin sa EO ni Governor Jose Riano.
“Only fully-vaccinated individuals shall be allowed to transact in all government offices within the LGU starting on November 15, 2021. Correspondingly, it is expected that all LGU employees are already fully vaccinated,” ayon sa order.
Hinihikayat parin ng lokal na pamahalaan ng San Jose ang mga hindi pa bakunado laban sa Covid-19 na magpabakuna na upang maabot na ng bayan ang herd immunity.
Nakasaad rin sa nasabing executive order na opisyal ng binubuksan ng Carabao Island ang tourism sector sa kanilang lugar para sa mga fully-vaccinated individuals mula sa iba't ibang bahagi ng bansa.
Kailangan lang makipag-ugnayan ng publiko sa mga local resort o hotel owners para sa reservations, kumuha ng LGU acceptance at S-Pass na makukuha sa s-pass.ph.
