May aabot na sa 36 na pamilya sa dalawang barangay sa Corcuera, Romblon ang inilikas ngayong araw dahil sa banta ng storm surge at ng landslide, ayon sa Municipal Disaster Risk Reduction and Management Office ng nasabing bayan.
Sa datus ng MDRRMO-Corcuera, may aabot na sa 50 na indibidwal ang inilikas sa Barangay San Roque at 92 indibidwal naman ang inilikas mula sa Barangay San Vicente.
Nagsimula na ring mag-ikot sa mga nabanggit na barangay si Mayor Elmer Fruelda kasama ang ilang volunteers upang makita ang ginagawang forced evacuation sa nasabing barangay.
Nakikipagtulungan na rin ang munisipyo sa mga opisyal na nabanggit na barangay para maibigay ang pangangailangan ng mga inilikas.
Sa ngayon, makulimlim na ang panahong nararanasan sa bayan at nakakaranas na rin ng paminsahang pag-uulan.