Nakaligtas sa pananaksak ang isang 58-anyos na lalaki sa bayan ng San Jose, Carabao Island, Romblon nitong gabi ng Huwebes, May 23.
Batay sa police report mula sa San Jose Municipal Police Station, nag-iinuman ang biktimang si Sungcang Omega kasama ang kanyang kaibigan nang biglang dumating ang suspek na si Lucibar Mariano Sr. Dito na nagsabi ang suspek kay Omega na, “Odya gali ikaw ha. (So you were here.)”, sabay bunot ng kanyang bladed weapon at sinubukang saksakin ang biktima ngunit nakatakbo ito.
Pinigilan ang suspek ng kaibigan ng biktima ngunit nagawa nitong mahabol si Omega at nasaksak sa likod.
Nakatakbo naman agad sa San Jose Municipal Police Station ang biktima at nakahingi ng tulong para madala sa San Jose District Hospital para magamot.
Nagsasagawa na ng manhunt operation ang kapulisan laban sa suspek na tumakas matapos ang krimen.
Hindi pa tukoy ng pulisya ang posibleng dahilan ng nasabing pananaksak ni Mariano.
