Pito katao sa Cajidiocan, Romblon ang inaresto ng mga tauhan ng Cajidiocan Municipal Police Station nitong Sabado ng umaga matapos lumabag sa Municipal Ordinance 02-11 na nagbabawal na mangisda sa loob ng mga fish sanctuary sa bayan.
Ang mga naaresto ay kinilalang sina Rico Benere, Rutas Cometa, Mark Villanueva, Richard Mamunga, Salvador Ramal, Regarld Francisco, at Beting Repizo pawang mga residente ng katabing bayan na San Fernando.
Ayon sa pulisya, nagsasagawa sila ng seaborne patrol ng makita nila ang mga suspek sa na nangingisda sa loob ng fish sanctuary sa Barangay Taguilos.
Nakuha sa mga suspek ang isang motorized banca, mga gamit pangisda, at halos 40 kilos na isdang “Tarkay”.
Dinala na ang mga naaresto sa Cajidiocan Municipal Police Station para pagmultahin.
