Napulot na 45,500 pesos ibinalik sa may-ari

Isang kapatid nating muslim ang nagsauli ng perang napulot niya malapit sa isang bangko sa Barangay Ligaya nitong hapon ng Martes.

Ayon kay Sorayda Margandog, napulot niya umano ang P45,000 at habang naglalakad ay napulot rin ang P500 na cash, agad siyang tumungo ng Odiongan Muicipal Police Station para isuko ang pera sa pulisya.

Tiyempo namang dumating sa police station ang may-ari ng pera na si Joy Regalado para sana magpatulong sa paghahanap ng pera ngunit laking gulat niya ng makita na nandun na pala ang perang pambayad niya sana sa Land Transportation Office (LTO).

Naiyak sa saya si Regalado at labis na nagpasalamat kay Margandog dahil sa busilak nitong puso.