DICT opens Free Wifi Access at Cajidiocan Public Plaza

Mayroon ng free public wifi sa Cajidiocan Public Plaza sa bayan ng Cajidiocan sa Sibuyan Island, Romblon simula ngayong araw matapos na i-active ng Department of Information and Communications Technology (DICT) ang kanilang Free Wifi Access sa lugar.

Ayon kay Sangguniang Bayan Member Marvin Greggy Ramos, may bilis ang nasabing wifi connection na 12mbps. Bukas rin umano ang nasabing wifi access point, 24 Oras.

Ang pagkakaroon ng Free Wifi Access sa Cajidiocan ay kasunod ng pahayag ni Director Reynaldo Sy ng Field Operations Office – Luzon Cluster 3 ng Department of Information and Communications Technology nang magkaron ng Presscon ang DOST at DICT sa Odiongan nitong August 15.

Ayon kay Sy, asahan na bago matapos ang taong 2017 ay magkaroon ng libreng wifi sa lahat ng munisipyo sa Romblon.

{googleads center}