Isinagawa ng Rural Health Unit (RHU) ng San Agustin ang Mental Health Capability Building and Advocacy Activity for Healthcare Workers and Support Groups nitong October 7, 2026, na nilahukan ni Mayor Aaron James Madrona.
Layunin ng aktibidad na mapalawak ang kaalaman at mapalakas ang kakayahan ng mga healthcare workers at support groups sa pagkilala, pag-unawa at pagtugon sa mga usaping may kaugnayan sa mental health.
Tinalakay sa aktibidad ang mga kaalaman at praktikal na pamamaraan na maaaring gamitin ng mga kalahok sa pagbibigay ng angkop na suporta at paggabay sa mga nangangailangan.
Patuloy ding isinusulong ng RHU San Agustin at ng lokal na pamahalaan ang mga programa para sa mental health, kabilang ang mga intervention at support system para sa mga mamamayan.
Sa pamamagitan ng capability-building activity, layon ding madagdagan ang kaalaman at kahandaan ng healthcare workers at support groups sa pagtugon sa mga pangangailangan sa mental health sa komunidad.
