Pormal nang binuksan ng Dapawan Stuff Sustainable Livelihood Program Association (SLPA) ang kanilang General Merchandise enterprise sa isinagawang grand opening at blessing noong August 25, 2026 sa Barangay Dapawan, Odiongan, Romblon.
Binubuo ng 15 miyembro, itinatag ang negosyo bilang isang sama-samang livelihood enterprise na naglalayong magbigay ng karagdagang pagkakakitaan sa mga miyembro habang nagsisilbi ring mapagkukunan ng mga pangunahing bilihin at iba pang pang-araw-araw na pangangailangan ng mga residente sa barangay at mga kalapit na komunidad.
May kabuuang ₱450,000 na budget allocation ang Dapawan Stuff SLP Association para sa pagtatatag at pagpapatakbo ng General Merchandise enterprise.
Sa pamamagitan ng negosyo, inaasahang magkakaroon ang mga miyembro ng pagkakataong mapaunlad ang kanilang kaalaman at kasanayan sa sama-samang pamamahala, pagpapatakbo ng negosyo, at pagbuo ng kita para sa kanilang organisasyon.
Ang pagtatatag ng enterprise ay bahagi ng Sustainable Livelihood Program (SLP) ng DSWD Field Office MIMAROPA, na nagbibigay ng livelihood assistance at suporta sa mga organisadong benepisyaryo upang makapagtatag ng mga negosyong naaayon sa kanilang pangangailangan at kakayahan.
Layunin ng programa na matulungan ang mga benepisyaryo na magkaroon ng produktibo at mas napapanatiling kabuhayan sa pamamagitan ng livelihood opportunities at enterprise development.
Sa pagbubukas ng kanilang negosyo, inaasahang magsisilbi rin itong oportunidad para sa mga miyembro na mapalakas ang kanilang pagtutulungan at sama-samang pamamahala habang unti-unting napauunlad ang kanilang livelihood enterprise.
