Tatlumpung Agrarian Reform Beneficiaries (ARBs) mula sa Agrarian Reform Cooperative of Agpudlos (ARCA) ang matagumpay na nagtapos sa Farm Business School (FBS) Program na isinagawa upang mapalakas ang kanilang kaalaman at kasanayan sa pamamahala ng sakahan bilang isang sustainable at profitable na negosyo.
Isinagawa ang graduation ceremony noong September 3, 2026 sa San Andres Covered Court sa Barangay Poblacion, San Andres, Romblon, na pinangunahan ng Department of Agrarian Reform Provincial Office (DARPO)-Romblon.
Layunin ng programa na mapaunlad ang entrepreneurial skills at business capabilities ng mga ARB upang matulungan silang gawing mas sustainable at kumikitang agricultural enterprises ang kanilang mga sakahan.
Binigyang-diin ni Provincial Agrarian Reform Program Officer II Engr. Rogelio Madarcos ang kahalagahan ng pagsisikap, tiyaga at pag-asa sa pagkamit ng tagumpay sa pagsasaka.
“Every seed we plant is a reminder of our hard work, and every harvest is proof that we can succeed. We are here to help you further improve your knowledge and increase your income from farming,” ani Madarcos.
Hinimok din niya ang mga nagtapos na harapin nang may katatagan at positibong pananaw ang mga hamon na maaaring kaharapin bilang mga agri-entrepreneur.
“Always remember that there will be challenges, there will be opportunities to rise again, and there will always be hope and progress,” dagdag niya.
Dumalo sa aktibidad ang mga kinatawan at miyembro ng ARCA, Local Government Unit (LGU) of San Andres, Provincial Agrarian Reform Coordinating Committee (PARCCOM) at Department of Agriculture.
Mula August 2026, sumailalim sa FBS Program ang 30 miyembro ng ARCA kung saan pinag-aralan nila ang mga praktikal na kaalaman at kasanayan sa pagpapatakbo ng sakahan bilang isang negosyo.
Kabilang sa mga learning module na kanilang tinapos ang business planning, financial management, marketing at sustainable farming practices.
Sa pamamagitan ng programa, inaasahang magagamit ng mga nagtapos ang kanilang mga natutunan upang mapahusay ang pamamahala sa kanilang mga sakahan at negosyo, mapalago ang kanilang cooperative at mapataas ang kita mula sa kanilang mga agricultural ventures.
Ang FBS Program ay bahagi ng patuloy na pagsisikap ng DAR na palakasin ang kapasidad ng mga ARB na pamahalaan ang kanilang mga sakahan bilang sustainable enterprises na makatutulong sa pangmatagalang kabuhayan ng kanilang mga pamilya at komunidad.
