Nagsagawa ang Lokal na Pamahalaan ng Odiongan ng river at canal cleaning operations bilang bahagi ng paghahanda sa posibleng pagbaha ngayong tag-ulan sa ilalim ng Water Quality Management Project ng Municipal Environment and Natural Resources Office (MENRO).
Personal na binisita ni Mayor Roger Fodra Jr. ang isinagawang paglilinis upang inspeksyunin ang pagpapatupad ng proyekto at tiyaking maayos ang paglilinis ng mga ilog, estero, at kanal sa bayan.
Ayon sa lokal na pamahalaan, layunin ng programa na mapanatiling malinis ang mga daluyan ng tubig upang maiwasan ang pagbabara ng mga kanal at estero na maaaring magdulot ng pagbaha, lalo na sa panahon ng malalakas na pag-ulan.
Inaasahan ding makatutulong ang regular na paglilinis upang mapanatili ang maayos na pagdaloy ng tubig at mabawasan ang panganib ng pagbaha sa mga komunidad.
Ayon sa MENRO, bahagi ang inisyatiba ng patuloy na pagsisikap ng lokal na pamahalaan na pangalagaan ang kapaligiran at palakasin ang kahandaan ng bayan laban sa mga epekto ng tag-ulan at iba pang kalamidad.
Discussion about this post