Sugatan ang isang rider at ang kanyang babaeng angkas matapos maaksidente ang sinasakyan nilang motorsiklo sa kahabaan ng national road sa Barangay Tan-agan, San Andres, Romblon nitong hapon ng Hulyo 31.
Ayon sa Bureau of Fire Protection (BFP)-San Andres, rumesponde ang mga tauhan ng himpilan sa insidente at agad na nagbigay ng paunang tulong sa mga biktima.
Batay sa paunang impormasyon, nakaidlip umano ang rider habang nagmamaneho, dahilan upang mawalan siya ng kontrol sa manibela ng motorsiklo at maaksidente.
Dahil sa insidente, nagtamo ng sugat sa ulo ang babaeng angkas at agad na isinugod sa Romblon Provincial Hospital (RPH) para sa karagdagang gamutan.
Samantala, nagtamo naman ng fracture sa paa ang rider at kasalukuyan ring nagpapagaling sa ospital.
Pinangunahan ng mga tauhan ng San Andres Fire Station, sa ilalim ng pamumuno ni SFO2 Daryl Bayoneta, Officer-in-Charge Municipal Fire Marshal, ang pagtugon sa insidente.
Patuloy namang pinaaalalahanan ng mga awtoridad ang mga motorista na tiyaking nasa maayos na kondisyon ang kanilang katawan bago bumiyahe upang maiwasan ang mga aksidenteng dulot ng antok o pagkapagod sa pagmamaneho.
Discussion about this post