Pormal nang nilagdaan ngayong araw ang kasunduan para sa muling pagbubukas ng biyahe ng Sunlight Air sa Tugdan Airport sa Alcantara, Romblon, na magbabalik ng rutang Clark–Tugdan–Clark simula Agosto 11, 2026.
Nilagdaan ito sa pagitan ni Romblon congressman Eleandro Madrona at mga kinatawan ng Sunlight Air.
Sa ilalim ng kasunduan, magkakaroon ng dalawang biyahe kada linggo, tuwing Martes at Sabado, upang mapadali ang paglalakbay ng mga residente, mga opisyal na may transaksyon sa lalawigan, at mga turistang bibisita sa Romblon.
Inaasahang magbibigay ang pagbabalik ng flight operations ng mas mabilis at mas maginhawang transportasyon patungo at mula sa lalawigan, kasabay ng pagpapatibay ng kampanya ng pamahalaang panlalawigan para sa pagpapaunlad ng turismo at lokal na ekonomiya.
Ayon kay Madrona, ang muling pagbubukas ng rutang panghimpapawid ay isang mahalagang hakbang upang mapalawak ang konektibidad ng Romblon sa iba pang bahagi ng bansa at makahikayat ng mas maraming mamumuhunan at mga bisita.
Discussion about this post