Nanindigang itutuloy ng mga magsasaka na miyembro ng Anahao-Tubigon-Canduyong Farmers Association ang pagbabakod sa malaking bahagi ng 319 ektaryang lupain na sakop ng Odiongan at Ferrol, Romblon, na kilala bilang Buyco Estate.
Iginiit ng samahan na ang naturang lupa ay public land at dapat ipamahagi ng gobyerno sa mga magsasaka.
Sa panayam ng Romblon News Network noong Biyernes, sinabi ng presidente ng asosasyon na si Emer Forteza na handa nilang ipaglaban hanggang korte ang kanilang karapatan bilang dating nagsasaka sa lugar.
Ayon kay Forteza, aalis lamang sila at titigil sa pagbabakod kapag iniutos na ito ng korte.
Nagsimulang magbakod ang mga masasaka noong Biyernes, August 7.
