Tiklo ang isang 40 anyos na lalaki sa bayan ng Looc, Romblon matapos umano itong mabilhan ng pinagbabawal na droga nitong umaga ng Martes, August 5, sa Barangay Limon Norte, Looc, Romblon.
Ang suspek ay kinilala lamang ng pulisya sa alias na Herbert.
Batay sa ulat ng Romblon Police Provincial Office, ang suspek ay ay nabilhan di umano ng tatlong sachet ng pinaghihinalaang shabu sa isang buy-bust operation na ikinasa ng Looc Municipal Police Station.
Tinatayang P2,000 ang street value ng shabu na nabili di umano sa suspek.
Nakakulong na ngayon ang suspek at mahaharap sa kasong paglabag sa Comprehensive Dangerous Drugs Act of 2002.
