Nasangkot sa aksidente ang isang 12-wheeler dump truck matapos nitong masalpok ang isang pulang SUV sa kahabaan ng national road sa Barangay Tulay, Odiongan.
Batay sa ulat ng Odiongan Municipal Police Station, nagmamaniobra umano ang SUV palabas sa kanilang parking area nang biglang dumating ang truck na may kargang mga aggregates.
Dahil sa bigat ng karga, hindi agad nakahinto ang truck at bumangga ito sa SUV.
Masuwerte namang ligtas ang driver ng SUV at walang natamong sugat mula sa insidente.
Sinabi ng pulisya na pagmamay-ari ng Sunwest Inc. ang dump truck kaya may karga itong mga aggregates.
Patuloy ang imbestigasyon ng mga awtoridad kaugnay sa aksidente.
