Arestado ng pinagsanib na puwersa ng Magdiwang Municipal Police Station at Philippine Drug Enforcement Agency (PDEA) – Romblon ang isang lalaki sa bayan ng Magdiwang, Sibuyan Island, matapos diumanong maaktuhang nagbebenta ng iligal na droga.
Ang operasyon ay ikinasa ngayong Biyernes sa kabila ng pag-ambon sa lugar dahil sa sama ng panahaon.
Ang suspek ay nahuli diumano matapos bentahan ng pinaghihinalaang shabu ang isang operatiba na nagpanggap na buyer.
Nakabili mula sa kanya ng dalawang sachet ng pinaghihinalaang shabu sa halagang P1,000.
Agad na inaresto ang suspek matapos ang transaksyon, at sa pagkapkap ay nakuha pa sa kanyang posisyon ang isa pang sachet ng shabu na may parehong halaga.
Kasalukuyang nakakulong ang suspek at mahaharap sa kasong paglabag sa Republic Act 9165 o ang Comprehensive Dangerous Drugs Act of 2002. (PJF)
