Nasawi ang isang tricycle driver sa bayan ng Romblon, Romblon matapos itong madaganan ng minamanehong tricycle nitong madaling araw ng Sabado.
Ang driver ay kinilala ng Romblon Police Provincial Office na si Ramon Riano Jr., 45 anyos, at residente ng Barangay Poblacion-IV.
Ayon sa imbestigasyon ng mga pulis, nadaanan nalang ng mga tao sa may tulay ng Sitio Kalye Langit ang driver na nasa ilalim na ng kanyang tricycle. Posible umaong nawalan ito ng kontrol sa sasakyan at dumiretso sa creek.
Hinihinalang nakainum si Riano nang maaksidente.
Naisugod pa siya sa Romblon District Hospital ngunit binawian din ng buhay.
