Napuno ng iba't ibang aktibidad ang pagdiriwang ng linggo ng kabataan sa bayan ng Looc, Romblon kamakailan.
Ginanap kasi kasabay ng aktibidad ang kauna-unahang Debate sa Banwa, isang debate na inorganisa ng Local Youth Developent Council at ang Sangguniang Kabataan Federation ng bayan.
Ayon sa Looc Municipal Public Information Office, naglalayon ang programa na maipakita ang husay ng mga kalahok at galing ng mga kabataang Loocnon sa pakikipag-debate, talumpati, paggawa ng tula gamit ang wikang Onhan, Spoken Word Poetry, at Pag-awit ng OPM.
Nagkaroon rin ng poster making contest na hango rin sa pagdiriwang sa Linggo ng Kabataan.
