Rider, patay sa banggan ng motorsiklo at tricycle

Nasawi ang isang rider sa San Andres, Romblon matapos makabanggaan nito ang isang tricycle nitong alas-11 ng gabi ng July 12.

Ang rider ay kinilalang si Jonathan Fran, 35, residente ng Barangay Mabini.

Ayon sa imbestigasyon ng pulisya, patungo umano ng Sitio Centro sa Mabini ang rider nang mkasalpukan nito ang kasalubong na tricycle na minamaneho ng isang Judy Bong Lorena, 37.

Tumilapon ang rider sa kanyang motorsiklo at nagtamo ng head injuries. Sinubukan pa itong dalhin sa ospital ngunit idineklara ring dead on arrival.

Ang rider naman ng tricycle ay nagtamo ng minor injuries sa paa at kasalukuyang nasa kustidaya na nag San Andres Municipal Police Station.

Patuloy ang imbestigasyon ng pulisya sa aksidente.