Sinimulan na sa bayan ng Looc, Romblon ang pagbabawal sa publiko sa paggamit ng mga single-use plastics at mga styrofoams alinsunod sa isang ordinansa na ipinasa ng Sangguniang Bayan.
Ayon sa Looc Public Information Office, tumaas ang sales ng mga bayong sa lugar bilang alternatibo sa mga lagayang plastics.
Ayon sa pag-aaral ng lokal na pamahalaan ng Looc tinatayang nasa 18%-21% o 180 Kilos hanggang 210 Kilos ng kabuuang araw-araw na basurang nakokolekta ng Solid Waste Management (SWM) ay single-use plastic at styro packaging materials.
Kung susumahin umano ito ay nasa 5,400 Kilos hanggang 6,300 Kilos bawat buwan na single-use plastic at styro packaging materials ang mawawala sa mga basura ng bayan.
Paalal ang lokal na pamahalaan sa publiko, iwasan na ang paggamit ng single-use plastics upang maiwasan ring mahuli ng mga enforcers ng ordinansa.
