Isang bagong silang na sanggol ang inabandona ng kanyang mga magulang sa isang damuhan sa Barangay Hinag-oman, Ferrol, Romblon nitong hapon ng Biyernes.
Sa ulat ng Ferrol Municipal Police Station, nakita ang batang sanggol na nakabalok ng jacket malapit sa isang creek sa barangay, at napapalibutan na ng mga lanaggam.
Matapos makita ng ilang residente sa lugar, isinumbong ito sa mga otoridad, at dito na ito iniligtas ng mga tauhan ng Ferrol Municipal Police Station, Rural Health Unit ng Ferrol, at Barangay Officials ng Hinag-oman.
ADVERTISEMENT
Dinala ang bata sa Rural Health Center para doon gamutin at kalaunan ay inilipat sa Romblon Provincial Hospital.
Inaalam na ng mga kapulisan ang posibleng pagkakakilanlan sa mga magulang ng sanggol.
