Tumaas muli ang bilang ng kaso at namamatay sa Dengue sa Mimaropa.
Sa ulat noong Hunyo 25 ng Timely Review and Notifiable Disease (TREND), umabot sa 1,640 ang bilang ng mga kaso ng Dengue at 18 na ang namatay.
Mas mataas ang bilang ng kaso ngayong 2022 kumpara sa naitala sa kaparehong panahon noong 2021 na 661 na kaso.
Pinakamaraming bilang pa rin sa Palawan (515), magkasunod naman ang Occidental Mindoro (455) at Oriental Mindoro (426).
isang daan at limang out dalawa (152) naman sa Romblon at 92 sa Marinduque.
Bilang tugon sa problema sa Dengue, binuhay muli ang ABKD: Aksyon Barangay Kontra sa Dengue kung saan mangunguna ang barangay sa paglilinis ng kapaligiran at ang pagdaraos ng 4 o'clock habit tuwing Biernes para hanapin ang mga pinangingitlugan ng Lamok.
Sa kampanyang 4S, pinapayuhan din ang mga residente sa mimaropa na magpakunsulta sa pagamutan kapag lumabas ang sintomas ng dengue, paggamit ng proteksyon (pagsusuot ng mga damit na mahahaba ang manggas, pantalon at paggamit ng anti-mosquito repellant) at ang pagsuporta sa misting o fogging operation laban sa mga lamok.
