Nasunog bago mag alas-7 ng gabi ngayong March 26 ang isang kwarto ng kombento ng simbahan ng katoliko sa Poblacion, Looc, Romblon.
Ayon kay Mayor Lisetter Arboleda, isang kwarto lang ng St. Joseph's Spouse of Mary Parish Church ang nasunog at wala namang naitalang nasugatan at nasaktan.
Agad na rumesponde sa sunog ang mga bombero mula pa sa bayan ng Looc at Alcantara kasama ang mga volunteers, Looc Municipal Police Station, at Looc Municipal Disaster Risk Reduction and Management Office.
Patuloy ang imbestigasyon ng Bureau of Fire Protection sa posibleng pinagmulan ng sunog.
Nasunog rin ngayong gabi ang Health Center naman sa bayan ng Santa Maria, Romblon. Naapula rin ito agad ng BFP.
