Dumating na noong Sabado ang may 62,540 doses ng iba’t ibang bakuna laban sa Covid-19 na gagamitin sa gaganaping National Vaccination Days (NVD) sa darating na November 29 hanggang December 1.
Sa bilang na ito ay kasama ang may 24,000 doses ng Sputnik V vaccines na gawa sa Rusia, na unang beses dumating sa lalawigan ng Romblon.
May dumating rin na 14,040 doses ng Pfizer vaccines; 23,000 doses ng Sinovac vaccines, at; 1,500 doses ng Astrazenica vaccines.
ADVERTISEMENT
Prioridad na maibigay ang mga Pfizer vaccines sa mga edad 12 hanggang 17 taong gulang, dahil ito umano ang inaprubahan ng DOH na bakuna para sa kanila.
Ang mga nasabing bakuna ay naideploy na nitong November 28 sa iba’t ibang LGU bilang paghahanda sa NVD.
