Negatibo sa coronavirus disease 2019 (Covid-19) ang lima pang suspected covid-19 patient (dating PUI) sa lalawigan ng Romblon batay sa inilabas na resulta ng Provincial Epidemiology Eurveillance Unit (PESU) nitong huling araw ng Abril.
Kabilang sa mga nag negatibo ay ang isang PUI ng Magdiwang, isang PUI ng Cajidiocan, isang PUI ng San Fernando, at dalawang PUI ng Romblon.
Ayon sa tagapagsalita ng Provincial DOH Office Romblon na si Ralph Falculan, wala ng test resulta ng mga PUI ang hinihintay ng Romblon mula sa testing centers kundi ang resulta nalang ng confirmatory test na ginawa sa German national na unang Covid-19 patient ng Romblon.
Bagama’t wala ng PUI, pinapayuhan parin ng mga otoridad ang publiko na laging magsuot ng masks kapag nasa labas, obserbahan ang physical distancing, at ang madalas na paghuhugas ng kamay.
