CONCEPCION, Romblon – Magaling na sa coronavirus disease 2019 ang ikalawang Covid-19 patient ng lalawigan ng Romblon matapos itong mag negatibo sa magkasunod na follow-up test na isinagawa sa kanya ng Department of Health.
Ayon sa ulat ngayong hapon ng Provincial Epidemiology Surveillance Unit (PESU) ng Romblon, natanggap na nila ang resulta ng test na isinagawa sa 76-taong gulang na pasyenteng mula Concepcion, Sibale Island. Ang nasabing test ay isinagawa noong ika-15 at ika-16 ng Mayo.
“Two follow-up test of Covid-19 positive from Concepcion, Romblon turned out Negative, she is now Covid Free,” ayon sa ulat ng PESU.
Nagpasalamat rin ang PESU sa mga nanalangin para sa mabilis na paggaling ng pasyente.
Bagamat magaling na sa Covid-19, nanatiling nasa isang ospital sa Oriental Mindoro ang pasyente at inaantay nalang na palabasin siya ng ospital.
Matatandaang May 12 ng makumpirma na nagpositibo sa Covid-19 ang pasyente.
