Umakyat na sa 39 katao sa buong lalawigan ng Romblon ang nag-positibo sa Human immunodeficiency virus (HIV), at Acquired Immunodeficiency Syndrome (AIDS), batay sa datus ng Department of Health-MIMAROPA Epidemiology Bureau.
Ito umano ay mula taong 1984 hanggang September 2018, kung saan 8 sa kasong ito ay naitala mula January hanggang September ng nakaraang taon.
Sinabi ni Ralph Falculan ng DOH – Romblon na hindi umano maikakaila na tumaas ang numer ng mga pasyenteng na diagnose na may Human immunodeficiency virus sa lalawigan dahil noong nakaraang taon ay may walong naitala sa probinsya.
Hinihikayat ni Falculan ang publiko na siguraduhing sa partner lang makipagtalik o kung hindi mapigilan ay gumamit ng condom.
Sinabi rin niya na ugaliing magpa-test regularly every 6 months sa HIV/AIDS Treatment Hub o Red Shelter sa Romblon Provincial Hospital, Odiongan dahil libre naman umano ito.
Erratum: Ang updated na bilang ay 39 (not 36), ayon kay Mrs. Marlie Galisanao, STD/AIDS Provincial Coordinator
