Tuluyan ng ipinatigil ng Department of Public Works and Highways (DPWH) ang pagpapagawa ng cross-country road sa Sibuyan Island na makaapekto sana sa Mt. Guiting-Guting, isang isang protected area ng Romblon Province.
Ayon kay Bayay Sibuyanon Chairman Rodne Galicha, sinabihan sila ni DPWH-Romblon District Engineer Napoleon S. Famadico na tuluyan ng itinigil ng DPWH ang implementasyon ng nasabing proyekto.
Sinabi rin ni Galicha na maraming lalabagin ang nasabing proyekto kung itinuloy ang implementasyon nito dahil hindi umano ito dumaan sa public consultation.
Base sa plano sana maglalatag sana ng 3.8-kilometer concrete road sa Sibuyan Island, Romblon para mas mapadali sana umano ang biyahe ng mga motorsita galing Magdiwang patungong San Fernando at pabalik ngunit madadaanan nito ang ilang bahagi ng Mt. Guiting-Guting.
Ayon kay Galicha, sinabi na sakanya ng Department of Public Works and Highways na kanialng ire-realign ang budget para sa nasabing proyekto.
