Lalaking wanted sa kasong murder sa San Jose, Romblon; arestado sa Palawan

Arestado kaninang umaga sa Barangay Isaub, Aborlan, Palawan ang 59-taong gulang na lalaking wanted sa kasong murder sa bayan ng San Jose, Romblon.

Naaresto si Juan Brigido San Sebastian ng operatiba ng Criminal Investigation and Detection Group (CIDG) Palawan at Criminal Investigation and Detection Group (CIDG) Romblon sa pangunguna nina PCI Joel Custodio, at SPO4 Henry Castroverde kasama sina PO3 Juanito Mayuga Jr ng RID MIMAROPA, SPO2 Allan Fruelda ng PIB Romblon.

Inaresto ang suspek sa bisa ng isang warrant of arrest na inilabas ng Regional Trial Court Branch 82, Odiongan, Romblon.

Hawak na ang suspek ng Criminal Investigation and Detection Group (CIDG) Palawan at nakatakdang ibiyahe na patungong Romblon para iharap sa korte.

{googleads center}