Ang Chikungunya fever ay isang uri ng sakit na dala ng mga infected na lamok. Maaari itong makuha mula sa kagat ng infected na Aedes mosquito. Ang mga lamok na ito ay kakikitaan ng white stripes sa kanilang itim na katawan at mga binti. Nakapagdudulot ang sakit na ito ng mataas na lagnat, pananakit ng kasukasuan, sakit ng ulo at pantal sa katawan.
Ang ilan sa mga sintomas ng sakit ay ang biglang pagtaas ng lagnat, pananakit ng kasukasuan lalo sa mga braso at mga binti, sakit ng ulo, muscle pain, pack pain, at pagkakaroon ng pantal or rashes.
Mararamdaman ito mula 3 hanggang sa pitong araw matapos na makagat ng lamok na infected ng Chikungunya virus.
Karamihan sa mga pasyente ang bumubuti ang kalagayan makalipas ang ilang araw o linggo. Ngunit ang ilan ay maaaring magkaroon ng long-term joint pain.
Walang gamot sa Chikungunya. Maaari lamang ibsan ang mga sintomas na dulot nito. Ang pag-inom ng gamot (bukod sa Aspirin) upang mapababa ang lagnat at maibsan ang pananakit ng kasukasuan.
Para maiwasan ang nasabing sakit:
- Magsuot ng long-sleeved na damit at mahabang pantalon
- Gumamit ng mosquito repellent na may DEET, picaridin, IR3535 at oil of lemon eucalyptus
- Siguraduhin na ang mga screen ng bintana at pinto ay
- Gumamit ng Aircon, kung maaari, upang mas maiwasan ang mga lamok
- Magsuot ng damit na permethrin-treated na maaaring makapagtaboy o makapatay ng mga lamok
- Panatilihing malinis ang kapaligiran. Iwasang magtambak ng mga gamit na maaaring mag-imbak ng tubig na maaaring pangitlugan ng lamok tulad ng gulong, paso, lata at iba pang bukas na lalagyan.
- Sa panahon ng outbreaks, gumamit ng insecticide upang mapatay ang mga lamok
Sources: WikiPilipinas, World Health Organization, Centers for Disease Control and Prevention, at Department of Health
