by Jackey Tapao, Romblon News | Monday, 08 February 2016
Nadakip kahapon, February 07, ng mga tauhan ng San Agustin Municipal Police Station, sa pangunguna ni Police Inspector Gemie Mallen; Odiongan Municipal Police Station sa pangunguna ni Police Senior Insport Alvimar Flores; at ng PIAS sa pangunguna ni Police Senior Inspector Darius Gado ang top 2 most wanted person ng San Agustin sa bayan ng Odiongan.
Ayon sa San Agustin MPS, pasado alas-7 ng gabi umano nang kanilang matiktikan ang suspek at mahuli sa Barangay Dapawan sa bayan ng Odiongan.
Nakilala ang suspek na si Melchor Mago, 38 taong gulang.
Ayon sa nakuhang impormasyon ng Romblon News, nabaril at napatay umano ni Mago ang magkapatid na Ronie Mago at Efren Mago, pawang residente ng Cabulutan, San Agustin noong 2007.
Inamin naman ni Mago na nabaril niya ang dalawa at lasing umano siya nang manyari ang krimen.
Kasalukuyang nakapiit si Mago sa San Agustin Municipal Police Station at nahaharap sa dalawang kaso ng frustrated murder.
