by Paul Jaysent Fos, Romblon News | Saturday, 13 February 2016
Patuloy na pinaghahanap ng mga rescue units ng Philippine Coast Guard, Philippine National Police at Municipal Disaster Risk Reducation and Management Council ng San Fernando, Romblon ang isang crew ng bangkang pangisda na nawala matapos salpukin ng barko ng 2Go Travel kaninang umaga.
Nakilala ang nawawalang crew na si Junior Ramillo.
Ayon kay Mayor Salem Tansengco ng San Fernando, Romblon; Nasa 22 crew na ng bangkang may pangalan na “Arnie Deca” ang nailigtas at nasa San Fernando Municipal Police Station na sa San Fernando, Romblon.
Tatlo naman sa mga nailigtas na crew ang sugatan. Nabigyan na sila ng first aid pagdating sa Barangay España,
Pawang mga residente ng Romblon, Romblon ang mga crew ng nasabing bangka na pagmamay-ari ni Cipriano Madera.
Patuloy naman na inaalam ng Philippine Coast Guard kung anong buong detalye ng barkong nakasalpok sa mga mangingisda pasado alas-4 kaninang umaga.
