by Paul Jaysent Fos, Romblon News | Monday, 16 November 2015
“Kung i-strict implement na po ang order, wala po tayong magagawa kuindi sumunod at i-require ang NBI Clearance sa new at renewal of prof licence.” pahayag ni Mr. Leonard Gabuna ng Land Transportation Office-Romblon kaugnay sa inilabas na balita ng Romblon News kaugnay sa bagong requirements sa pagkuha ng driver licence sa kanilang opisina.
Ayon kay Gabuna, ang nasabing bagong patakaran ay utos ng LTO Main Office sa Manila at kailangan lang umano nila sumunod sa inuutos sa kanila.
Alam rin umano nila na medyo mahirap para sa mga taga Romblon kumuha ng bagong requirement kaya sinabi niya na kung hindi umano makakapag provide ng NBI Clearance ang mga mag-aapply, Non-Professional Driver Licence nalang muna ang kunin.
“Sa of the moment, kung hindi makapag-provide ng NBI Clearance ay ina-advisan muna ang mga tao na non-prof na lang muna ang kunin, lalo na kung sariling sasakyan lang naman ang minamaneho.” pahayag ni Gabuna.
Sa ngayon bibigyan muna nila ng pagkakataon na kahit wala munang NBI Clearance at kahit Police Clerance nalang muna ang ibigay ng mga mag-apply ng Professional Driver Licence habang wala pa sila sa strict-implementation ng nasabing bagong ordinansa.
