by Paul Jaysent Fos, Romblon News | Thursday, 15 October 2015
Isang lalake sa bayan ng San Jose sa Carabao Island ang ikinulong ng San Jose Municipal Police Station matapos magsumbong ang nakababata nitong kapatid na ginahasa umano siya nito.
Ayon sa kwento ng babae, pasado alas-7 ng gabi ng October 13 ng di umanoy magising siyang hinahalikan at hinahawakan na ang masilang bahagi ng kanyang katawan ng kanyang nakatatandang kapatid at matapos nito'y ginahasa siya ng lalake.
Agad namang nagsumbong ang babae sa awtoridad kaya nadakip ang suspek.
Ayon naman sa pamunuan ng San Jose Municipal Police Station, maaring maharap ang suspek sa paglabag sa RA7610 o sa Anti-Child Abuse Law.
Napag-alaman rin ng kapulisan na may standing warrant of arrest sa kasong rape sa Bulalacao MPS, Oriental Mindoro rin ang nasabing suspek.
