by Jackey Tapao, Romblon News | Thursday, 28 January 2016
Opisyal nang sinimulan kahapon, January 27, ang unang araw ng programang “Oplan Goodbye Bulate” ng Department of Health (DOH) – MIMAROPA (Oriental/Occidental Mindoro, Marinduque, Romblon, Palawan) at ito'y pinangunahan ni Regional Director Eduardo Janairo sa Mateo Jagmis Memorial Elementary School sa Barangay San Miguel, Puerto Princesa City sa Palawan.
Ito'y bahagi parin ng National School Deworming Day para sa mga mag-aaral ng Department of Education.
Tinatangka ng rehiyon na maabot ang target nilang 470,947 na estudyante na may edad na 5-12 years old, ang kanilang mabibigyan ng gamot laban sa Soil-Transmitted Helminthiasis (STH) at iba pang infection ng intestinal worms.
Sa press statement ni RD Janairo, sinabi nitong ang mga school children ang madalas na na-iinfection kaya magandang mabigyan sila ng effective na paraan upang masugpo ang nasabing sakit.
Sinabi rin ni Janairo na tanging ang mga concent galing sa kanilang mga magulang ang mabibigyan ng gamot. Ito ay kasunod ng mga naibalita nitong nakaraang taon patungkol sa ilang estudyanteng nagsuka dahil umano sa nasabing gamot.
Sa bayan ng San Agustin, aabot ng 1,000 na estudyante ang kanilang nabigyan ng serbisyo sa unang araw ng National Deworming Day na ibingay ng DOH at ng Rural Health Unit ng nasabing bayan.
Ayon sa World Health Organization o WHO, ang mga nasabing bulate ay maaring maging sanhi ng pagiging malnurish ng isang bata.
