by Ian Kay Faa, Romblon News | Wednesday, 09 December 2015
Umabot ng mahigit isang libo katao na binubo ng mga estudyante, 4Ps members, mga residente ng Barangay Poctoy at mga Government Official ng Odiongan ang nakiisa sa 1st ever boodle fight sa Romblon na ginanap sa kahabaan ng kalsada ng Barangay Poctoy sa bayan ng Odiongan. Ang nasabing boodle fight ay bahagi parin ng pagdiriwang ng fiesta ng Immaculate Conception sa lugar.
Ayon sa mga organizers ng event umabot ng mahigit 400 meters ang lamesa na kanilang nilatag mula sa Barangay Hall ng Poctoy hanggang sa BAIPS Coffee Yard na isa rin sa mga sponsor ng event.
Mahigit isang daang kilo ng bigas, pancit, lechon, at iba pang putahi ang inihanda ng mga organizers ng event ang inilatag sa halos 200 piraso ng lamesa.
Sa post ng BAIPS Coffee Yard sa kanilang Facebook Post, sinabi nilang successful ang kauna-unahang boodle fight. Nagpasalamat rin sila sa mga sponsor ng event na dahilan ng matagumpay na kainan.
