by Paul Jaysent Fos, RomblonNews | Thursday, 24 September 2015 (2nd Update)
Maapektuhan ang tatlong bayan sa Tablas Island, Romblon ng 5 oras na brownout ngayong Biyernes, September 25, ayon sa pamunuan ng Tablas Island Electric Cooperative o TIELCO.
Ayon sa TIELCO, maapektuhan ang buong bayan ng Odiongan maliban sa Barangay Gabawan, Tumingad, Libertad, Tuburan at Panique, habang apektado naman ang buong bayan ng Ferrol, at Barangay Buenavista, Balatucan, Camandag, at Sto. Niño sa bayan ng Looc.
Magsisimula ang brownout 8:15 ng umaga at magtatapos 1:00 ng hapon.
Ayon sa TIELCO, ang brownout ay dahilan nang isasagawang paglipat at pag-aayos ng mga nabubulok na poste sa mga lugar na apektado.
Sinabi rin ng pamunuan ng TIELCO na maibabalik nila agad ang kuryente bago magsimula ang Kalyeserye ng Eat Bulaga kung saan maraming Romblomanon ang nag-aabang sa tambalang Aldub.
