Bigo mang makapasok sa Top 24, rumampa pa rin nang buong giting at karangalan si Miss Universe Philippines Romblon Mariah Nicole Valdez sa coronation night ng Miss Universe Philippines 2025 na ginanap nitong Biyernes, Mayo 2, sa Mall of Asia Arena.
Itinanghal naman bilang bagong Miss Universe Philippines ang pambato ng Quezon Province na si Ma. Ahtisa Manalo, na siya ngayong magiging kinatawan ng bansa sa nalalapit na Miss Universe pageant sa Thailand ngayong taon.
Nagbigay ng suporta at paghanga ang mga taga-Romblon kay Valdez sa kanyang ipinakitang husay, tapang, at dignidad sa entablado.
