Pumirma si Governor Jose Riano sa isang Memorandum of Understanding (MOU) sa pagitan ng Provincial Government of Romblon, Philippine College of Surgeons, Inc. at ng Philippine College of Surgeons Foundation, Inc. kamakailan.
Ang nasabing MOU ay naglalayong mag-develop ng mga programang pangkalusugan at mga inisyatibo upang maghatid ng de-kalidad na serbisyong medikal sa probinsya ng Romblon. Layunin rin nito na palakasin ang ugnayan at kooperasyon sa pagitan ng Provincial Government of Romblon at ng mga organisasyon ng mga surgeons upang maisakatuparan ang mga programang pangkalusugan na nakatuon sa pagpapaunlad ng healthcare services sa lalawigan.
Naging saksi rin sa pagsasagawa ng MOU signing si Congressman Eleandro Madrona, na nagpapakita ng suporta para sa programa.
Ayon sa gobernador, sa pamamagitan ng pirmahang ito, inaasahang mas mapapalakas at mapatatag ang sektor ng medisina sa lalawigan upang mas matugunan ang mga pangangailangan ng mga Romblomanon.
