Opisyal nang nanumpa ngayong araw, Lunes, ang mga bagong halal na opisyal ng bayan ng Looc, Romblon.
Isinigawa sa bagong municipyo ng Bayan ng Looc ang Turn-over at Oathtaking Ceremony ng Newly Elected Municipal Officials.
Kabilang sa mga uupo sa kanilang pwesto ay si Mayor Lisetter Arboleda, VM Bong Osorio, mga SBM na sina Gaga Bernardo, Jonathan Gaytano, Adrian Gaytano, Menchie Garchico, Ted Tirol, Rolly Bautista, Lumen Galindez at Michael Francisco.
Sa isang pahayag ni Mayor Arboleda, na uupo sa kanyang ikalawang termino, sinabi nito na dapat umanong ibigay ng mga bagong lider ang kanilang atensyon para mapaayos at mapaganda pa ang kanilang bayan.
“Ibigay natin ang ating buong atensyon na mas mapaayos at mapaganda ang ating bayan, sana po we really steadfast kung anu ang commitment natin. Looking forward tayo, alam na natin kung ano ang dapat natin gawin para mas maganda ang pamumuhay ng ating kababayan,” pahayag nito.
