Sa kanyang pangalawang termino bilang gobernador ng lalawigan ng Romblon ipagpapatuloy umano ni Governor Jose Riano ang mga programa nitong sinimulan para sa turismo at kalusugan.
Sa kanyang victory address sa ginanap na proclamation nitong Martes matapos maiproklama na nanalo sa 2022 eleksyon, sinabi ng gobernador na itutuloy nito ang mga programang napapakinabangan na.
“Salamat sa pagkakataon dahil ‘yung aking mga naumpisahang programa na sa kasalukuyan ay napapakinabangan na ng ating mga kababayang Romblomanon ay maipagpatuloy ko,” pahayag ng gobernador.
“Ang aking platform of government ay number one ‘yung tourism, nanjan parin ‘yung health services, iyong social services talaga at infrastructure,” dagdag pa nito.
Maalalang sa termino ng gobernador ay naging level 1 hospital ang Romblon District Hospital sa bayan ng Romblon, Romblon at ipinangako nitong gagawin ring level 1 hospital ang iba pang hospital sa Sibuyan at Tablas.
