Ngayon buwan ng mga puso, patok nanaman ang ilang pasyalan para sa mga magsing-irog na naghahanap ng tahimik na lugar para makapag-date.
Sa bayan ng Looc, Romblon, binuksan na ng pamunuan ng Grotto de Banloc ang kanilang Flower Garden na matatagpuan lamang sa mismong harap ng grotto.
Pwedeng magpalitrato sa loob ng garden kung saan makikita ang iba't ibang bulaklak na itinanim ng pamunuan ng Grotto de Banloc.
Maliban sa bagong bukas na flower garden, maari ring bisitahin ang nag-iisang honesty store sa probinsya ng Romblon, at ang mag-meryenda sa kanilang ‘Star of Bethlehem cafe'.
Sa pagbisita mo sa lugar, siguradong busog ang mata, tiyan, puso at ang kaluluwa mo.
Bukas sa at libreng pumasok ang publiko sa Grotto de Banloc mula alas-6 ng umaga hanggang alas-9 ng gabi, araw-araw.
Para sa iba pang impormasyon, hanapin lamang si Shirley Gaytano sa (0928) 873 4062.
