by Dennis Evora, Romblon News | Friday, 25 September 2015
Bilang bahagi ng pakikiisa sa pagdiriwang sa ika-115 anibersaryo ng pagkakatatag ng Civil Service, nagkaroon kahapon, Biyernes, ika-24 ng Setyembre, ng isang araw na pagtitipuntipon ang mga kawani ng lokal na pamahalaan ng bayan ng Concepcion.
Inumpisahan ang pagdiriwang sa pamamagitan ng isang espesyal na misa para dito at sinundan naman ng ibat-ibang aktibidad kagaya ng simpleng salu-salo, mga palaro, sayawan, kantahan, at masasayang kuwentuhan.
Isinagawa ang mga naturang aktibidad sa isa sa magandang beach na matatagpuan sa isla.
Ilan sa mga layunin ng ganitong selebrasyon ay ang pagkakabuklod-buklod at ang pagkakaisa ng lahat ng kawani ng gobyerno sa nasabing bayan para sa mas matatag, mapayapa, at patuloy na pag-unlad ng Sibale.
Lubos naman na kasiyahan ang naramdaman ng mga nakilahok at nagpapasalamat sila dahil may mga ganitong aktibidad na isinasagawa paminsan-minsan para nagkakaroon sila ng pagkakataon na nagkakasama-sama at nagiging mas malapit pa sa bawat isa.
