Ginanap noong nakaraang linggo sa bayan ng Banton, Romblon ang Provincial Child Development Workers Convention 2023. Dumalo rito ang mahigit 100 na day care teachers mula sa iba't ibang bayan sa Romblon.
Nagsimula ang pagdiriwang sa isang parada na idinaos sa buong bayan. Nagkasama-sama ang mga daycare workers upang ipakita ang kanilang pagkakaisa at dedikasyon sa paglilingkod sa mga bata.
Matapos ang parada, isinagawa ang isang energizing zumba session upang magbigay ng saya at kalusugan sa mga daycare workers. Sa pamamagitan ng pagsasayaw at ehersisyo, nabigyan ng pagkakataon ang mga ito na magpahinga at mag-enjoy sa isang aktibidad na nagpapalakas ng kanilang katawan at kaisipan.
Bukod sa mga aktibidad na ito, nagkaroon rin ng mga learning sessions upang mas mapalawak pa ang kaalaman ng mga daycare workers sa kanilang propesyon. Ipinapahayag ng mga organisador na mahalaga ang patuloy na pag-aaral at pagpapahusay ng mga skills ng mga ito upang mabigyan ng de-kalidad na serbisyo ang mga bata sa kanilang pangangalaga.
Pinasalamatan rin ng mga daycare workers ang mga organisador at mga tagasuporta ng pagdiriwang. Lubos ang kanilang pasasalamat sa mga ahensya at lokal na pamahalaan na patuloy na nagbibigay ng suporta at pagkilala sa kanilang trabaho.
Ayon sa kanila, sa pamamagitan ng Provincial Child Development Workers Convention 2023, inaasahang mas mapatatag pa ang sektor ng daycare workers sa Romblon.
