Isang lalaki ang patay matapos na maaksidente ang minamanehong tricycle sa kahabaan ng National Road sa Barangay Poctoy, Odiongan, Romblon pasado alas-10 ng gabi nitong Biyernes, January 19.
Ayon sa mga nakasaksi sa pangyayari, malayo palang umano ay pagiwang-giwang na ang patakbo ng tricycle driver at pagdating umano nito sa harapan ng isang gasulinahan sa Poctoy ay bigla umanong bumaliktad ang kanyang tricycle at dito na siya nadaganan.
Kinilala ang nasawing tricycle driver na si Evert Fadriquelan, residente ng Odiongan, Romblon.
Agad na tinulungan ang biktima ng mga nakasaksi sa aksidente at ng ilang motoristang dumadaan sa lugar para dalhin sa Romblon Provincial Hospital ngunit nasawi rin kinalaunan.
Pinaghihinalaang nakainum si Fadriquelan bago mangyari ang aksidente.
