Sinuntok at Sinipa ng isang lasing ang isang Barangay Captain na umaawat lamang sa pamamato nito ng bato nitong gabi ng Miyerkules sa Barangay Long Beach, San Agustin, Romblon.
Ayon sa report na nakarating kay Romblon Police Provincial Office Spokeperson PSInp Ledilyn Ambonan, aawatin sana umano ni Barangay Captain Stephen Mazo ang suspek na si Leonard Mores matapos itong mambato ng bubungan ng covered court dahil sa kalasingan.
Habang kinakausap umano ni Kapitan Mazo ang suspek, nagtangka umanong manuntok kaya napatakbo si Kapitan pabalik ng kanyang bahay.
Ilang minuto ang lumipas, sinubukan umanong kausapin muli ni Mazo ang suspek ngunit dito na siya sinuntok sa mukha at sinipa sa paa.
Sinubukang tumakas ng suspek ngunit naabutan ng mga Barangay Tanod sa may baybayin ng Barangay Long Beach.
Hawak na ngayon ng San Agustin Municipal Police Station at nakatakdang kasuhan ng Direct Assault.
{googleads center}
