Apat, tinamaan ng leptospirosis sa Oriental Mindoro

Written by Paul Jaysent Fos | Romblon News

by Paul Jaysent Fos, Romblon News | Monday, 18 January 2016

Kinumpirma ngayong araw ng Department of Health (DOH) - MIMAROPA (Oriental/Occidental Mindoro, Marinduque, Romblon, Palawan) na apat na katao sa Oriental Mindoro ang tinamaan ng sakit na leptospirosis, ito ay ilan lamang sa mga specimens na pinadala ng ahensya sa Research Institute for Tropical Medicine (RITM) sa Manila.

Ayon sa RITM, ang apat na nag positive sa leptospirosis sa Mindoro ay mga residente ng Barangay Sta Rosa I, at Barangay Poblacion sa Baco, at Barangay Calsapa sa San Teodoro.

Pawang mga lalake ang tinamaan ng sakit na may edad na 16-38 years old.

Batay sa taya ng DOH-MIMAROPA Regional Epidemiological Surveillance Unit (RESU), noong December 27, 2015 hanggang January 12, 2016, aabot na sa 58 katao ang ang pinagsusupetsiyahang may leptospirosis sa Mindoro at 52% rito ay mga lalake.

Ayon kay Regional Director Eduardo Janairo, mahigpit nilang binabantayan ang probinsya ng Mindoro upang masugpo ang nasabing sakit.

“The regional office has already provided the essential medical assistance, additional doxycycline capsules to local government units to be used as prophylaxis and logistics for specimen collection to the Provincial Department of Health Office (PDOHO) for distribution by emergency personnel in affected communities” ayon kay Janairo sa isang press statement.

Sinabi niya rin na halos karamihan sa tinamaan ng nasabing sakit ay gumaling na at ang ilan ay patuloy na ginagamot habang nag-aantay ng resulta galing sa RITM.

“We advise residents to take precautionary measures such taking doxycycline tablets before wading to rice-paddies as waters may be contaminated by urine from infected animals. We continue to provide technical assistance to LGUs in the province including additional prophylaxis in areas with positive cases and supplementary doxycycline capsules were also distributed to evacuation centers and given to evacuees to prevent them from contracting leptospirosis disease.” dagdag ni Janairo.