Buwan ng mga Kababaihan, ipinagdiwang ng mga taga Sibale

Written by Dennis Evora | Romblon News
  • Pinterest

Photo Courtesy of Ricamae FaigmaniPhoto Courtesy of Ricamae Faigmani

Kasabay sa paggunita ng Romblon Day kahapon, ipinagdiwang ng ilang mga taga Sibale ang Buwan ng mga Kababaihan sa pangunguna ng butihing mayor Hon. Medrito Fabreag, Jr. Nilahukan ito ng mga babaeng kawani ng lokal na pamahalaan, ng municipal health office, ng pulisya, ng nasa sektor ng edukasyon at ng mga benepisaryo ng programang 4Ps ng DSWD.

Kasama sa programa para sa nasabing pagdiriwang ang isinagawang alay lakad at takbo ng mga nakilahok, ang pagbibigay kaalaman sa karapatan ng bawat kababaihan at ang pagpapaalala sa kahalagahan sa lipunan ng mga ito.

Naging bahagi rin ng aktibidad ngayong araw ang paglilinis ng mga kanal at ilog sa ilang bahagi ng bayan.

Nagtapos ang pagdiriwang sa pamamagitan ng isang payak ngunit masayang salo-salo sa pananghalian ng mga nakiisa sa mahalagang pagdiriwang na ito.